Район башлыгы яшь хоккейчылар уенын күзәтте

Алабугада 8-9 яшьлек малайлар арасында ТР хоккей федерациясе Кубогы ярышларында Алабуга, Чистай, Әгерҗе спортчылары җиңү өчен җан аттылар. 

Тренер Әсгать Гарифуллин шәкертләре уенын район башлыгы Ленар Нургаянов та карады. Ул малайларга уңышлар һәм спорт белән һәрчак дус булуларын теләде. 

Эшлекле сишәмбе киңәшмәсендә Ленар Фәрит улы турнирның иң яхшы уенчылары булып танылган “Спутник“ командасы хоккейчылары Александр Жестков, Данис Рәхмәтуллин, Дамир Рәхмәтуллин һәм Инсаф Шакировны Рәхмәт хатлары белән бүләкләде.