Әгерҗедә “Бала - төп пассажир” профилактик акциясе узды

Шәһәр үзәгенең К.Маркс урамында «Бала - төп пассажир» профилактик акциясе узды, ул автомобильләрдә балаларның куркынычсызлыгын арттыруга юнәлдерелгән. 

Чара Әгерҗе районы Дәүләт автоинспекциясе хезмәткәрләре, шул исәптән район буенча Россия Эчке эшләр министрлыгының ЮХИДИ бүлеге җитәкчесе, полиция капитаны Юрий Глезденев, профильле ведомстволар вәкилләре катнашында узды.

Автомобильдәге балалар - иң яклауга мохтаҗ пассажирлар. Аларның иминлеге тулысынча руль артындагы өлкәннәргә бәйле. 

Кызганычка каршы, күп кенә ата-аналар балаларны йөртү кагыйдәләрен санга сукмый, аларның тормышын куркыныч астына куя. 

Акция барышында Әгерҗе районында «Юл куркынычсызлыгы» профилактикасы буенча ДБУ бүлеге башлыгы Ләйсәния Шиабутдинова һәм район башкарма комитетының әйдәп баручы белгече Регина Гимазова машина йөртүчеләргә балаларны тотып торучы җайланмалардан файдалануның мөһимлеге турында искәрттеләр.