Әгерҗе районында машина йөртүчеләрне тикшерәчәкләр

Бу юлы беренче тапкыр төп игътибар җәяүлеләргә өстенлек бирмәүче машина йөртүчеләргә бирелә. Шулай ук юл хәрәкәте кагыйдәләрен бозучы җәяүлеләр дә игътибар үзәгендә булачак.

Соңгы ике атна эчендә Әгерҗе районында бер җәяүле һәм бер велосипедчы юл һәлакәтенә эләгә. Шуңа күрә ЮХИДИ хезмәткәрләре җәяүлеләрне һәм машина йөртүчеләрне кисәтәчәкләр.

ЮХИДИ бүлекчәсе җитәкчесе Олег Капилов Май бәйрәмнәрендә машина йөртүчеләр һәм җәяүлеләрне тагын да игътибарлы булырга, юлларда йөргәндә сак булырга чакыра. Бу көннәрдә инспекторлар көчәйтелгән режимда эшләячәкләр.